vestfirskar fréttir | bb.is | 7.08.02 | 16:13



Snjóflóðavarnir í Bolungarvík í bið að minnsta kosti fram á haust
 

Málefni snjóflóðavarna í Bolungarvík eru í biðstöðu og verða það áfram í það minnsta fram á haust. Vegna ákvörðunar Ofanflóðanefndar um að láta yfirfara forsendur úrskurðar matsnefndar eignarnámsbóta er ekki hægt að ganga frá samkomulagi við eigendur þeirra húsa sem fara eiga undir varnargarð. Liggur því ljóst fyrir að lítið verður gert þar til þeirri yfirferð verður lokið. „Ég býst við því að ef að allt gengur eftir verði hægt að kynna hættumat fyrir Bolungarvík í septemberlok. Þegar því er lokið mun bæjarstjórn fjalla um málið og taka afstöðu til framhalds þess.
 

Meðan ekki er hægt að ganga frá samkomulagi við eigendur húsanna er málið þó enn í biðstöðu“, segir Ólafur Kristjánsson, bæjarstjóri í Bolungarvík.