Starfstöðvar:

Á norðanverðum Vestfjörðum
Aðalstræti 21
415 Bolungarvík
456-7005
nave[hjá]nave.is
 
Á ströndum
Höfðagötu 3
510 Hólmavík
451-3105
strandir[hjá]nave.is
 
Á sunnanverðum Vestfjörðum
Strandgötu 7
465 Bíldudal
456-4105
margretth[hjá]nave.is
 
Í fornleifafræði
Fjölheimar í Sandvíkursetri við Bankaveg
800 Selfoss
895-1228
fornleifar[hjá]nave.is

Hnúðlax í Patreksfirði

Eva Dögg Jóhannesdóttir meistaranemi í líffræði, Margrét Thorsteinsson starfsmaður Náttúrustofu Vestfjarða, Anne Cochu dýralæknanemi.
Eva Dögg Jóhannesdóttir meistaranemi í líffræði, Margrét Thorsteinsson starfsmaður Náttúrustofu Vestfjarða, Anne Cochu dýralæknanemi.
1 af 2

Starfsmenn Náttúrustofu Vestfjarða hafa unnið að verkefninu „Vöktun á lús á villtum laxfiskum á Vestfjörðum“ í sumar.  Verkefnið felst m.a. í að veiða villta laxfiska í sýnatökunet að fengu leyfi frá Fiskistofu og landeigendum. Á norðanverðum Vestfjörðum eru lögð net í Dýrafjörð, Önundarfjörð, Súgandafjörð og Ísafjarðardjúp. Á sunnanverðum Vestfjörðum í Patreksfjörð, Tálknafjörð og Arnarfjörð en þar eru sýnatökur gerðar í samstarfi við Evu Dögg Jóhannesdóttur sem er að vinna að meistaraverkefni sem er svipað og verkefni Náttúrustofunnar. Þann 30. júlí veiddist hnúðlax í net í Patreksfirði. Eins og sést á mynd þá var þetta fallegur fiskur án áverka og með alla ugga heila. Það voru engin bitför af þeim 5 fiskilúsum sem voru á fiskinum.

Hnúðlax (Oncorhynchus gorbuscha) er einnig þekktur sem bleiklax og er laxategund sem á ættir sínar að rekja í Kyrrahaf og er algeng þar. Laxinn er auðþekktur á dökkum hringlaga blettum á sporðinum og fíngerðu hreistri¹. Hnúðlaxinn sem fannst í Patreksfirði var kynþroska hængur en hann þekkist m.a. á hnúð á bakinu.

Hnúðlaxar sem flækjast um í Evrópu koma líklega frá Rússlandi en þar voru gerðar tilraunir um 1960 til að sleppa hnúðlaxaseiðum í ár á Kólaskaga. Talið er að þessi stofn hafi dreift sér að einhverju leyti og vísbending er um að hann sé að ná fótfestu í nokkrum ám í Noregi¹. Fjöldi veiddra hnúðlaxa var mikill í Noregi um 1960 og hefur aukist aftur í ár. Það er ekki vitað af hverju þeim hefur fjölgað þar en óskað er eftir upplýsingum frá veiðimönnum í veffangið; laks@nina.no². Hnúðlax sem veiðist hefur á Íslandi er talinn koma frá Noregi en lítið hefur veiðist af honum hér á landi¹.

 

https://is.wikipedia.org/wiki/Hn%C3%BA%C3%B0lax

2 http://www.nina.no/Aktuelt/Nyhetsartikkel/ArticleId/4303/Har-du-fatt-pukkellaks-i-sommer

Til baka

Náttúrustofa Vestfjarða | Aðalstræti 21 | 415 Bolungarvík | kt 610397 2209 | sími: 456 7005 | netfang: nave (hjá) nave.is