Aðalstræti 21, 415 Bolungarvík

Sími: 4567005, fax: 4567351

Netfang:  nave@nave.is

Kennitala: 610397-2209

Fréttir frá árinu 2006

7. mars 2006

Fyrirlestur um stofnvistfræði hagamúsa (Apodemus sylvaticus) verður haldin í Háskólasetri Vestfjarða þann 9. mars kl. 20:00. Fyrirlesturinn heldur Ester Rut Unnsteinsdóttir og er hann á vegum Háskólasetursins, VAK og Náttúrustofu Vestfjarða.

Ester Rut Unnsteinsdóttir er líffræðingur að mennt og stundar nú framhaldsnám (Ph.D) við Líffræðiskor Háskóla Íslands.  Verkefnið fjallar um stofnvistfræði hagamúsa á suðvesturlandi. Leiðbeinendur eru þeir Páll Hersteinsson og Arnþór Garðarsson, prófessorar við Háskóla Íslands og Rolf A. Ims við Háskólann í Tromsø í Noregi.

Ester hefur unnið fyrir Náttúrustofu Vestfjarða í Bolungarvík að sumarlagi frá árinu 1998, aðallega við refarannsóknir á Hornströndum. Rannsóknir þessar hafa að nokkru leyti verið unnar í samstarfi við Háskóla Íslands og einnig erlenda vísindamenn.

Útdáttur úr fyrirlestrinum má nálgast hér (Abstract ) einnig má sjá umfjöllun um verkefnið á heimsíðu Ester http://www.hi.is/~eru/

19. maí 2006

Fuglaskoðun verður 20. maí á Ísafirði og verður byrjaðu við planið hjá Bónus kl. 10:30. Fuglaskoðunin er á vegum Heilsubæjarins Bolungarvíkurs og Náttúrustofu Vestfjarða og mun Böðvar Þórisson frá NV vera með leiðsögn. Náttúrustofan verður með Telescope (fjarsjá) sem hægt er að fá að kíkja í.

Muna eftir sjónaukum og hlýjum klæðnaði því spáð er frekar köldu veðri. Í fyrra var farið og skoðað fuglalífið við Syðridalsvatnið í Bolungarvík og mættu 30 manns. Þá sáust 24 tegundir.

Fuglaskoðun 2005               Fuglaskoðun í Önundarfirði 2003

16. júní 2006

Dagur hinu viltu blóma verður á sunnudaginn 18. júní. Helga Friðriksdóttir líffræðingur verður með leiðsögn um Tungudal en mæting er kl. 13:00 á tjaldsvæðinu á sunnudaginn. Ókeypis er í ferðina. Gott er að mæta með plöntuhandbókina eftir Hörð Kristinsson en ekki nauðsynlegt.

Mynd: BÞ © 2005

28. september 2006

Þann 30. september næstkomandi munu Samtök Náttúrustofa á Íslandi (SNS) standa fyrir náttúrustofuþingi. Þetta er í annað skipti sem slíkt þing er haldið í tengslum við ársfund félagsins. Samtökum Náttúrustofa (www.sns.is) voru stofnuð árið 2002 og eru aðilar að þeim Náttúrustofa Norðurlands vestra, Náttúrustofa Norðausturlands, Náttúrustofa Austurlands, Náttúrustofa Suðurlands, Náttúrustofa Reykjaness, Náttúrustofa Vesturlands og Náttúrustofa Vestfjarða.

Tilgangur Náttúrustofuþinga er að vekja athygli og kynna starfsemi náttúrustofa og samvinnu þeirra við aðrar stofnanir í landinu, svo sem Náttúrufræðistofnunar Íslands, Umhverfisstofnunar, Háskóla Íslands, annarra háskóla og stofnanna í landinu. Dagskrá þingsins er fjölbreytt og er gert ráð fyrir að birta fyrirlestra náttúrustofanna á heimasíðu Náttúrustofu Norðurlands vestra (www.nnv.is) og heimasíðu samtakanna (www.sns.is) eftir þingið.

Að þessu sinni sér Náttúrustofa Norðurlands vestra á Sauðárkróki um undurbúning þingsins og verður það haldið á Bakkaflöt í Skagafirði og hefst klukkan 12.30.

Þingið er öllum opið, bæði á allt þingið eða einstaka fyrirlestra.
 

Dagskrá þingsins

Mynd frá síðasta þingi sem var haldið á Húsavík 2005.

22. september 2006

Á næstunni verða birtar nokkrar myndir sem tengjast þeim verkefnum sem Náttúrustofan hefur haft umsjón með eða verið aðili að í sumar.

Í sumar komu sjálfboðaliðar frá Englandi, Skotlandi og Írlandi. Þessir sjálfboðaliðar komu og aðstoðu Náttúrustofuna við vatnarannsóknir á Hornströndum. Þetta er annað árið sem þetta verkefni er í gangi og líkaði einum sjálfboðaliðanum þetta það vel í fyrra að hann kom aftur. Hér fyrir neðan eru nokkrar myndir frá því í sumar.

Verkefnið byrjaði við straumvatnsrannsóknir inni í Syðridal í Bolungarvík en svæði er notað til samanburðar við Hornstarndir. Verið er að skrúbba steina til að ná smdýrum af þeim og síðan eru steinarnir teiknaðir til að fá út flatarmál þeirra.

Haldið til Lónafjarðar á Ramónu. Bæði var vaðað á táslunum og í vöðlum en eins og sést. Beðið í fjörunni eftir bátnum. 

Sýni tekin ú Sléttuvatni og úr ánni. Gengið í gegnum vestfirskan skóg (hvönn). Beðið eftir bátnum og síðan síðasta sjóferðin. Sjáfboðaliðarnir ásamt starfsfólki Náttúrustofunnar á síðustu mynd.

Hér er mynd af Sléttuvatni sem Nina Ezra teiknaði en hún er sjálboðaliðinn sem hefur komið tvisvar í þetta verkefni.

6. október 2006

Grenibukkur í  Bolungarvík.

Þegar var verið að gera við gamalt hús í Bolungarvík fannst grenibukkur (Monochamus sartor kv.). Dýrið virðist hafa skriðið úr timbri sem var verið að nota við viðgerðina, enda lifa lirfurnar á viði barrtrjáa, mest greni. Kvendýrið verpir eggjum í börk grenitrjáa sem hafa veikst af einhverjum ástæðum. Lirfan étur sig inn í viðinn og eftir eitt til tvö ár skríður fullorðið dýr út, venjulega í ágúst til september. Kvendýrin verpa ekki í sagaðan trjávið og því er ekki hætta á að dýrin fjölgi sér í húsinu.