Aðalstræti 21, 415 Bolungarvík

Sími: 4567005, fax: 4567351

Netfang:  nave@nave.is

Kennitala: 610397-2209

Líffræði skötuormsins

Rannóknarverkefnið Líffræði skötuormsins (Lepidurus arcticus (Pallas)) er verkefni, sem unnið er í samstarfi við Hilmar Malmquist hjá Náttúrufræðistofu Kópavogs og Hrefnu Sigurjónsdóttur hjá Kennaraháskóla Íslands.

Skötuormur er langstærsta krabbadýrið sem lifir í ferskvatni á Íslandi og stærsti hryggleysinginn í vatnalífríki landsins og verður hann allt að 5 cm langur.

Skötuormar eru af fornum krabbdýrameiði sem leit dagsins ljós fyrir um 250 milljón árum á Permian-tímabilinu. Þeir virðast lítið hafa breyst í aldanna rás og vart er hægt að greina í sundur núlifandi tegundir frá 200 milljón ára gömlum steingerðum leifum.

Markmið verkefnisins er að rannsaka vistfræði, atferli og lífsögu skötuormsins. Með rannsóknunum er stefnt að því að bæta úr þekkingarskorti á líffræði þessa sérstæða vatnadýrs, en fram til þessa hafa íslenskar rannsóknir á skötuormum verið bæði fáar og smáar í sniðum.

Vonast er til að rannsóknirnar svari áleitnum spurningum um af hverju útbreiðsla skötuorma virðist vera hnappdreifðari og stofnsveiflur meiri en gengur og gerist á meðal vatnahryggleysingja. Jafnfram er vonast til að rannsóknirnar leiði til aukins skilnings á stöðu skötuorma í vistkerfi íslenskra vatna.

Þorleifur Eiríksson², Hrefna Sigurjónsdóttir¹ og Hilmar J. Malmquist³. 1999.  Útbreiðsla, stofnstærðarbreytingar, eggjaframleiðsla og atferli skötuormsins (Lepidurus arcticus). Veggspjald á Afmælisráðstefnu Líffræðifélagsins. ¹Náttúrustofa Vestfjarða, ²Kennaraháskóli Íslands, ³Náttúrufræðistofa Kópavogs. (útdráttur, veggspjald)

Thorleifur Eiríksson², Hrefna Sigurjónsdóttir¹ and Hilmar J. Malmquist³. 1999.  Behaviour of the Artic Tadpole Shrimp (Lepidurus arcticus). Poster. The Scandinavian Ethological Society. The 1999 Conference in Iceland. Varmaland. Borgarfjörður. April 30^th  - May 2^nd. ¹Westfjords Natural History Institute, ²Iceland University og Education, ³Natural History Museum of Kopavogur. (Poster)